Həyatın Mənşəyi

Kembri dövründə qəfildən ortaya çıxan fərqli canlı qruplarının ən maraqlılarından biri, sonradan nəsli kəsilmiş trilobitlərdir. Buğumayaqlılar (Arthropoda) tipinə daxil olan trilobitlər bərk qabıqları, buğumlu bədənləri və kompleks orqanları ilə çox mürəkkəb canlılardır.

Fosil qeydləri trilobitlərin gözləri haqqında çox ətraflı müşahidələr aparmağa imkan vermişdir. Trilobit gözü yüzlərlə kiçik pətəkdən ibarətdir və bu pətəklərin hər birinin içində cüt linza yerləşir. Bu göz quruluşu tam bir dizayn möcüzəsidir. Harvard, Roçester və Çikaqo universitetlərində çalışmış geologiya professoru Devid Raup deyir: Trilobitlərin gözü ancaq günümüzün yaxşı təhsil almış və son dərəcə istedadlı bir optik mühəndisi tərəfindən işlənib hazırlana biləcək bir quruluşa sahib idi.

Təkcə trilobitlərin bu fövqəladə kompleks quruluşu belə darvinizmi etibarsız edir. Çünki daha əvvəlki geoloji dövrlərdə bu canlılara bənzər heç bir kompleks canlı yaşamamışdır. Bu da göstərir ki, trilobitlər arxalarında heç bir təkamül prosesi olmadan ortaya çıxmışlar.